Aaj ashkon ka taar Toot gayaa
Rishta-e-intazar Toot gayaa
Yun vo Thukaraa ke chal diye goyaa
Ik khilauna tha pyaar Toot gayaa
Roye rah-rah kar hich_kiyan lekar
Saaz-e-Gam baar baar Toot gayaa
Aap ki beruKhi kaa shikawa kya
Dil tha napaidar Toot gayaa
Dekh li dil ne besabaati-e- gul
Phir tilism-e-bahaar Toot gayaa
'Saif' kya char din ki ranjish se
Itani muddat ka pyar Toot gayaa
No comments:
Post a Comment