Monday 3 March, 2008

Beeti baaton ko

Beeti baaton ko, kandhe per uthaye chalna

Aaj ko chchod, chalte kadmon se dhalna;

Waqt ko kaun mod paya hai, aub tak yaro

Aap sikandar hain, aap ko hai aage badhna.

Kitabon ke pannon mein, motiyon ke har hain

Jinhein sab dekhte hain, kyon dikhaya karna;

Aaj ke dard mein. koyee baat to hogi nayee

Naye hum hain, naye se kyon ghabraya karna.

Wo baatein aur thin, halaat bhi juda hote they

Aaj se jud kar, kyon na aaj ki baatein karna;

Kitabon ke tarannum se na judega taar aaj ka

Nayi rahein, nayi saasein, nayi mulakatein karna.

Suniye aaj ek Dil ne Dil se baat kahi hai, sabse

Purani shayri ko salam, naye se jud ke hai rahna;

Aapke sang chalne ka irada, caravan ka hai, magar

Khud se likhye, Hilms ki shayri ko hai jame rahna.

No comments: